Federata spanjolle e futbollit ka njoftuar se supersfida e La
Ligas ndërmjet Barcelonës dhe Real Madridit në Camp Nou, do të
zhvillohet të shtunën me 21 prill në orën 20:00.
‘El Clasico’
fillimisht ishte caktuar të luhej të dielën (më 22 prill), mirëpo nuk
ishte caktuar një datë përfundimtare.
Tani është vendosur që dy klubet
nga kreu i tabelës të takohen një ditë më herët.
Në ndeshjen e parë kampionale të zhvilluar në Santiago Bernabeu,
Barcelona fitoi me rezultat 3-1. Ndërkaq, kjo ndeshje do të jetë mjaft e
rëndësishme sa i përket titullit të Kampionatit spanjoll.
