Chelsea aktualisht mban pozitën e pestë në Ligën Premier dhe ka pesë pikë më pak se Arsenali dhe Tottenhami që gjenden në pozitat tre dhe katër, ndërkohë sonte (e mërkurë) zhvillon ndeshjen kthyese çerekfinale të Ligës së Kampionëve kundër Benficas, të cilën do ta nisë me avantazh prej 1-0 nga ndeshja e parë në udhëtim.
Mikel mendon se Arsenali dhe Tottenhami kanë disa ndeshje të vështira për të luajtur dhe mund të lëshojnë pikë dhe Chelsea mund të përfitojë falë ngritjes në formë pas angazhimit të Roberto Di Matteos në postin e trajnerit.
Nëse kualifikohet në gjysmëfinale të Ligës së Kampionëve, Chelsea duhet të luajë ndaj Barcelonës, por mesfushori mendon se Blutë mund të arrijnë në finale dhe pastaj të mundohen ta fitojnë atë.
“Dëgjoni, ne mund ta fitojmë Ligën e Kampionëve. Ende kemi disa ekipe të mira për të mposhtur, duke filluar me Benfican, por ne mund të konkurrojmë me këdo”.
“Barcelona, Bayern Munichu dhe Real Madridi janë ekipe të shkëlqyera, prandaj duket e vështirë, por ne duam ta fitojmë”, ka thënë Obi Mikel për faqen zyrtare të Chelseat.
