Sulmuesi i Manchester Cityt, Mario Balotelli, ka shkaktuar një tjetër tronditje (të zakonshme nga ana e tij) duke u shfaqur në konferencën për media të prezantimit të trajnerit të ri të Interit, Andrea Stramaccioni.
Derisa Stramaccioni po iu përgjigjej pyetjeve të gazetarëve, sulmuesi kontrovers ka hyrë në sallën e konferencave për të përshëndetur drejtorët e ish-klubit të tij dhe për t’i uruar mirëseardhje trajnerit të ri.
Pas përshëndetjes, SuperMario u largua, ndërsa trajneri i ri ishte aq i habitur, saqë kishte harruar pyetjen që ia bënë gazetarët.
Sulmuesi 21-vjeçar në vitin 2010 u largua nga Interi në drejtim të Manchester Cityt.