Fitore bindëse e Nadal

Mbrojtësi i titullit në French Open, Rafael Nadal, ka triumfuar në xhiron e tretë të këtij turneu përballë argjentinasit Eduardo Schwank.

Tenisti i dytë në botë fitoi me rezultat 3-0 në sete (6-1, 6-3 dhe 6-4), ndërsa sfida zgjati dy orë e 16 minuta.

Rrugën e tij për titullin e shtatë në Roland Garros, Nadal do ta vazhdojë me përballjen ndaj një tjetër argjentinasi, Juan Monaco, i cili eliminoi kanadezin Milos Raonic.