Nuk di të jetë modest trajneri i Kroacisë, Slaven Bilic pas triumfit të merituar kundër Irlandës.
Në deklaratën pas ndeshjes, numri 1 i stolit të ballkanasve vlerëson lojën e të tijve dhe shton se e dinte që Kroacia ishte superiore ndaj Irlandës.
“E prisja këtë rezultat sepse dinim gjithçka për ekipin irlandez. E dinim që jemi ekip më i mirë. Jam shumë i kënaqur për mënyrën se si luajtëm sepse zotëruam mesfushën dhe ishim më shumë kreativë”, nënvizon Bilic.
Në vijim ai komenton edhe vendin e parë në Grupin C, duke pohuar se një tjetër sukses do t’i siguronte skuadrës së tij kualifikimin në çerekfinale.
