Drita mposht Gjilanin

 





















Drita ka shënuar fitoren e parë pas dy humbjeve radhazi dhe atë ndaj rivalit të përbetuar, Gjilanit, në atë që konsiderohet derbi më i madh lokal në rajon. 

Kjo sfidë si zakonisht tejkaloi pritjet e të gjithëve. Rreth 8 mijië të pranishëm në stadium e bënë ndeshjen madhështore, teksa nuk munguan as koreografitë nga dy tifozeritë më të organizuara në futbollin kosovar, nga njëra anë Skifterët dhe nga ana tjetër Intelektualët.

Drita shënoi fitore me plot meritë, pasi e dominoi takimin. Golin e parë Intelektualët e shënuan në minutën e 40-të me anë të Venhar Sermaxhajt, i cili u tregua i saktë nga pika e bardhë.
Dhe pas golit të dytë të pësuar (54’), të cilin e ralizoi pas një kundërsulmi Leonit Abazi, tifozët e Gjilanit pranë rezultatin 2-0 për rivalin Dritën filluan të lëshojnë tribunat e Stadiumit të Qytetit të Gjilanit, në shenjë pakënaqësie me ekipin e tyre.
Është hera e dytë që Drita këtë edicion mposht Gjilanin në derbin lokal, teksa Intelektualët bëjnë hap të madh në luftën për titullin e kampionit. Punët keq i kanë Skifterët e Gjilanit, të cilët duhet të luftojnë deri në fund për mbetje në elitë.