Liria kërkon një pikë në Gjakovë

Trajneri prizrenas Skender Shengyli favorizon Vëllaznimin para përballjes me ekipin e tij Lirinë. Shengyli vlerëson se ndeshja do të jetë e vështirë dhe thotë se ai do të ishte i kënaqur nëse skuadra e tij nga Gjakova kthehet me një pikë të fituar. 

Ndeshja Vëllaznimi - Liria zhvillohet sot nga ora 13:15 në stadiumin e qytetit të Gjakovës. Me këtë ndeshje nis faza e tretë, finale, e Raiffeisen Superligës së Kosovës në futboll. 

Ekipi gjakovar në pranverë nuk ka pësuar asnjë disfatë. Ka tri fitore e dy barazime. Pas javës 22 mban pozitën e dytë me 40 pikë, një më pak se liderja, Prishtina. Liria renditet e teta me 27 pikë. Edhe ekipi prizrenas ka pasur rezultate të mira në pranverë. Në pesë ndeshje ka regjistruar tri fitore, një barazim e një humbje. 

Në takimet e tjera të javës së 23-të do të ndeshen: 

Prishtina - Drenica    (13:15)

Trepça '89 - Trepça    (15:00)

Drita - Lepenci    (15:00)

Hysi - KEK-u    (15:00)

Besa - Gjilani    (15:00)