Laudrup, i cili në muajin shtator dha dorëheqje nga skuadra e La Ligës, Real Mallorca, zëvendëson trajnerin Brendan Rodgers, i cili së fundi kaloi te Liverpooli.
“Swansea City ka kënaqësinë të konfirmojë caktimin e Michael Laudrup si menaxher të ri të skuadrës. Kontrata është kompletuar sot në mesditë me një marrëveshje dyvjeçare”, thuhet në njoftimin zyrtar të klubit anglez.
Laudrup, 48-vjeçar, më herët ka punuar edhe me Brondby, Getafe dhe Spartak Moskën.
Ish-mesfushori i Barcleonës, Real Madridit, Juventusit dhe Ajaxit ka përfaqësuar Danimarkën 104 herë gjatë karrierës së tij dhe ka shënuar 37 gola.
