Mysafirët krijuan epërsi të dyfishtë me anë të Maxi Rodriguez (13’ dhe 16’), mirëpo gjërat ndryshuan pas minutës së 25-të.
Portieri Alexander Doni u përjashtua me karton të kuq pas ndërhyrjes në Junior Hoilett dhe u akordua penalti në favor të vendasve. Megjithatë portieri i inkuadruar, Bradley Jones, mbrojti goditjen e Aiyegbeni Yakubu.
Mirëpo, në vazhdim Blackburni e shfrytëzoi epërsinë numerike në fushë dhe e barazoi rezultatin me anë të Aiyegbeni Yakubu (36’ dhe 61’).
Heroi i Redsave rezultoi Andy Carroll, i cili në minutat shtesë shënoi golin e fitores (90’+1).
