Bayerni e dominoi sfidën nga fillimi, por as vendasit e Nurnbergut nuk u sprapsën duke rrezikuar disa herë me anë të sulmuesit shqiptar Albert Bunjaku, i cili u zëvëndësua në minutën e 77-të.
Sidoqoftë, Bayerni arriti më herët deri te goli i fitores. Atë e realizoi askush tjetër pos anësorit fantastik holandez, Arjen Robben (69’), i cili shënoi për 1-0 dhe fitoren e madhe të Bayernit.
Me këtë fitore, Bayerni është në vendin e dytë me 60 pikë, tri pikë më pak se sa Dortmundi që është në vendin e parë tetë javë pa përfunduar sezoni dhe me ndeshjen derbi që duhet të zhvillohet në Signal Iduna Park.
