Roger Federer të dielën festoi edhe trofeun e tij të 73-të në një ATP turne, pasi në finale të Indian Wells fitoi me rezultat 2-0 në sete (7-6, 6-3) kundër amerikanit John Isner.
Në Indian Wells ai kishte triumfuar edhe tri herë më parë, mirëpo në vitet e largëta 2004, 2005 dhe 2006.
“Në një moment në këtë turne nuk i jepja vetes gjasa për titull. Nuk kam qenë
mirë me shëndet dhe jam munduar shumë gjatë përballjeve”, ka thënë Federer.
Për të arritur deri te ky titull, në raundet e fundit zvicerani ka mposhtur Del Potron, Nadalin dhe në finale Isnerin.
