Ronaldo huqi një rast të jashtëzakonshëm në minutat vendimtare të takimit dhe kjo pasoi me reagime nga tifozët e Danimarkës të cilët pasi e vërshëllyen gjatë gjithë takimit, brohorisnin ‘Messi-Messi’.
Kjo nuk i ka pëlqyer aspak Ronaldos, i cili ka reaguar menjëherë pas takimit.
“E dini se ku ka qenë sot një vit më parë Messi? A e dini ku? Ja po ju tregoj unë. Ai ishte eliminuar nga Copa America, në vendlindjen e tij. Mendoj se kjo është më keq, apo jo?”, ka theksuar Ronaldo.
Argjentina ishte eliminuar në çerekfinale të Copa Americas vitin e kaluar nga Uruguai, që ishte fitues i garës.
Në ndërkohë, Portugalia do të ishte eliminuar në rast të disfatës nga Danimarka, por ka edhe një ndeshje vendimtare ndaj Holandës.
Ronaldo konsiderohet rivali i vetëm i Messit për titullin e lojtarit më të mirë në histori të futbolit dhe është i vetmi njeri që shpreson t’ia shkatërrojë ëndrrën Messit për Topin e Artë të katërt.
